Мэта і задачы работы ўстановы адукацыі
на 2023/2024 навучальны год
Мэта: стварэнне аптымальных умоў для дынамічнага развіцця ўстановы адукацыі, забеспячэння якасці адукацыі і ўдасканалення адукацыйнага асяроддзя, якое спрыяе развіццю асобы навучэнца і настаўніка, іх індывідуальных здольнасцей, асобасных якасцей, ведаў і кампетэнцый.
Задачы:
- Стварыць умовы для эфектыўнай адукацыйнай дзейнасці праз
арганізацыю дапрофільнай падрыхтоўкі і профільнага навучання, павышэння якасці правядзення вучэбных і факультатыўных заняткаў у адпаведнасці з патрабаваннямі адукацыйных стандартаў, фарміраванне прадметных, асобасных і метапрадметных кампетэнцый навучэнцаў, стварэнне станоўчага мікраклімата на вучэбных занятках для вучняў з розным узроўнем вучэбнай матывацыі; удасканаленне сістэмы работы па выяўленні і падтрымцы высокаматываваных і адораных навучэнцаў, далучэнне іх да ўдзелу ў алімпіядным руху і навукова-даследчай дзейнасці; развіццё здароўезберагаючага асяроддзя, забеспячэнне бяспечных умоў для навучэнцаў ва ўстанове адукацыі.
2. Удасканаліць работу па развіцці прафесійных кампетэнцый педагогаў праз арганізацыю адраснай мэтанакіраванай метадычнай падтрымкі педагогаў; павышэнне выніковасці работы метадычных аб’яднанняў, практыка-арыентаваны характар метадычнай работы па развіцці прафесійных педагагічных якасцей, якія садзейнічаюць дасягненню навучэнцамі прадметных і метапрадметных вынікаў засваення праграм агульнай сярэдняй адукацыі; стымуляванне педагогаў да ўдзелу ў інавацыйнай і даследчай дзейнасці, абагульнення і распаўсюджання эфектыўнага педагагічнага вопыту.
3. Удасканаліць выхаваўчую прастору ўстановы адукацыі праз выкарыстанне эфектыўных метадаў і прыёмаў арганізацыі выхаваўчай дзейнасці, якія садзейнічаюць станаўленню ініцыятыўнага і актыўнага грамадзяніна Рэспублікі Беларусь, здольнага да самаўдасканалення ў духоўна-маральным, грамадзянска-патрыятычным і прававым накірунках, які разумее адказнасць за будучыню сваёй краіны, здольны распрацоўваць стратэгію паводзін, ажыццяўляць выбар і несці за яго адказнасць; стварэнне ўмоў для прафесійнага вызначэння навучэнцаў, аказанне педагагічнай падтрымкі вучням у працэсе выбара прафесійнай сферы дзейнасці; работу па прафілактыцы правапарушэнняў і безнадзорнасці на аснове развіцця супрацоўніцтва з сацыяльнымі партнёрамі, забеспячэння ўзаемадзеяння ўсіх суб’ектаў адукацыі.
4. Стварыць ўмовы для развіцця і ўмацавання матэрыяльна-тэхнічнай базы ўстановы адукацыі за кошт актывізацыі пазабюджэтнай дзейнасці.