3 лістапада 2017 года з мэтай прафарыентацыйнай работы, у рамках рэспубліканская прафілактычнай акцыі “Карысныя канікулы” вучаніцы 8-9 класаў наведалі УА “Баранавіцкі дзяржаўны ўніверсітэт”. Дзяўчынак пазнаёмілі са структурай установы адукацыі, асноўнымі факультэтамі і кафедрамі. Вучаніцы наведалі чытальную залу, электронную бібліятэку, спартыўную залу і басейн.

     Больш падрабязна экскурсаводы-студэнты спыніліся на факультэце педагогікі і псіхалогіі, а менавіта на кафедры “Дашкольнае выхаванне і тэхналогія”  спецыяльнасць “Абслуговая праца і выяўленчае мастацтва”. З захапленнем удзельнікі экскурсіі знаёміліся з новымі тэхналогіямі апрацоўкі тэкстыльных вырабаў і дэкаратыўна-прыкладнога мастацтва.

      Вялікі дзякуй  выкладчыкам і студэнтам УА “Баранавіцкі дзяржаўны ўніверсітэт” за цёплую сустрэчу і цікавае знаёмства з установай адукацыі.