Традыцыйна ў першую суботу лютага выпускнікі спяшаюцца на вечар сустрэчы са сваім дзяцінствам, настаўнікамі і школьнымі сябрамі. Так адбылося і сёлета. Трэцяга лютага 2018 года ДУА “Жамчужненская сярэдняя школа” Баранавіцкага раёна сустрэла 143 выпускнікі.
Вечар прайшоў у вельмі цёплай, добразычлівай атмасферы. Выпускнікі 1993 года зрабілі школе падарунак – Кнігу пажаданняў. А школа ў сваю чаргу здзівіла іх выступленнем дзяўчат – барабаншчыц.
20 – гадовыя выпускнікі захапілі ўсіх прысутных цырымоніяй уручэння Оскараў сваім настаўнікам. Многія выпускнікі выказалі вялікую павагу сваім настаўнікам, а таксама адміністрацыі школы. Вельмі прыемна было бачыць на вечары і ветэранаў педагагічнай працы.
Вечар нікога не пакінуў абыякавым.