У суботу, 14 мая, лепшыя вучні старэйшых класаў нашай школы ўдзельнічалі ў прафарыентацыйна-адукацыйным праекте "Рэспубліканская ўніверсітэцкая субота - 2016". На адкрытай сцэне Рэспубліканскага Палаца спорту перад дэлегацыямі вучняў, прадстаўляючых усі вобласці і горад Мінск, выступіў міністр адукацыі Рэспублікі Беларусь Жураўкоў М.А., які адзначыў цудоўную магчымасць для навучэнцаў у суботні дзень пазнаёміцца з ВНУ нашай рэспублікі. Выступалі таксама рэктары вядучых вышэйшых навучальнных устаноў і многія высокапастаўленыя асобы.
На рэкламных пляцоўках Палаца спорту былі размешчаны рэкламныя стэнды амаль усіх ВНУ краіны. Кансультацыі будучым абітурыентам давалі не толькі студэнты, а і рэктары, прарэктары і іншыя прадстаўнікі ўстаноў.
Акрамя гэтага, быў арганізаваны канцэрт, працавалі пляцоўкі - выставы і спартыўныя пляцоўкі. Усё гэта + выдатнае сонечнае надвор'е стварыла добры настрой як для вучняў, так і для педагогаў.
Хочацца сказаць вялікі дзякуй арганізатарам гэтага марапрыемства!