Народжаны лётаць і змагацца
18 лістапада 2017 года ў піянерскай дружыне "Усход" прайшоў піянерскі збор, прысвечаны нашаму земляку, лётчыку, двойчы Герою Савецкага Саюза С.І. Грыцаўцу. Юныя піянеры пазнаёміліся з біяграфіяй лётчыка, даведаліся пра яго подзвігі і пра яго трагічны лёс.
Несправядліва кароткім было жыццё сяргея Іванавіча, але і за гэты час ён паспеў зрабіць неверагоднае і за гэта стаў першым, хто двойчы ўдастоены звання Героя Савецкага Саюза. Піянеры былі ўражаныя подзвігамі Сяргея Іванавіча і ўшанавалі памяць героя хвілінай маўчання.
На зборы было прынята рашэнне сабраць матэрыял пра героя - земляка і падаць заяўку на прысваенне нашай дружыне імя С.І. Грыцаўца. Работа чакаецца вялікая і сур'ёзная, але піянер ніколі не адступае ад сваёй мэты! Мы ўпэўненыя, што ў хуткім часе наша дружына будзе горда насіць імя С.І. Грыцаўца.